[Resumo] Existe un grande caos para definir, delimitar e clasificar os que demos en chamar dativosnon argumentais, aqueles elementos oracionais que non pertencen ao esquema actancial doverbo porque non veñen exixidos obrigatoriamente por este, mais que desempeñan sen ningunhadúbida unha función importante na configuración do enunciado. A súa similitude formalco tradicionalmente chamado complemento ou obxecto indirecto levou a confusións einterpretacións imprecisas, normalmente asentadas en criterios de carácter semántico,dando lugar a tipoloxías condicionadas polo contexto referencial máis que polos trazos formaisque estes dativos posúen. A nosa intención neste breve artigo é a de dar conta de certosaspectos que nos parecen importantes para abordar unha caracterización e unha clasificacióndos dativos non argumentais que se pretenda lingüisticamente obxectiva.
展开▼