[Resumo] Esta Tese de Doutoramento céntrase no desenvolvemento de novos materiais (multi)funcionais e (multi)sensibles, baseados en híbridos orgánico-inorgánicos e compostos moleculares, onde a aplicación de diferentes estímulos externos (temperatura, presión isostática/uniaxial externa e/ou presión química interna) é capaz de inducir unha función específica nestes materiais. Ademais, este estudo trata de atopar novos precursores híbridos de materiais nanoestruturados de carbono. Estas son áreas importantes de investigación en Ciencia de Materiais por mor do potencial destes materiais para aplicacións tecnolóxicas e medioambientais, que están relacionadas coas súas propiedades funcionais como, por exemplo, piezoeletricidade, ferroeletricidade, ferromagnetismo, magnetorresistencia, supercondutividade, multiferroicidade, etc. Neste contexto, esta Tese de Doutoramento explora as propiedades funcionais nos novos compostos híbridos orgánico-inorgánicos de fórmula molecular [TPrA][M(dca)3] (M = Mn2+, Fe2+, Co2+ e Ni2+) e estrutura tipo perovskita; ademais de materiais moleculares coñecidos como o ferroceno, [Fe(C5H5)2], e o amino-borano (H3N·BH3). Estes estudos tamén revelaron efectos calóricos inducidos pola presión sobre o composto [TPrA][Mn(dca)3], o que demostra gran potencial para aplicacións en refrixeración de estado sólido. Finalmente, verificouse que os compostos [TPrA][M(dca)3] (M = Ni2+ e Co2+) son precursores versátiles para sintetizar nanotubos de carbono con nanopartículas magnéticas incorporadas, M@CNTs (M = Ni2+ e Co2+), usando un método sinxelo, escalable e accesible.
展开▼
