Muller xunto a muller. O lesbianismo na literatura galega

摘要

[Resumo] A homosexualidade, a pesar dos avances na igualdade de dereitos no ámbito legal, na sociedade galega continúa sendo unha escolla que marxina, e cando esta é feminina, entón a marxinación agudízase. Neste traballo, a través de catro textos narrativos, tentamos afondar na visión que ten a sociedade sobre o lesbianismo; porque a literatura, coma calquera produto cultural feito nun determinado momento histórico e dentro dunha sociedade concreta, funciona como espello do contexto en que foi creada a obra. Esta é a tese que defendemos e a estratexia investigadora que utilizaremos, xa que non faremos en ningún momento unha valoración literaria dos textos narrativos que configuran o noso corpus, senón que realizaremos unha revisión do que contan —e do que non contan— como tradución dos valores da sociedade galega a respecto da(s) visión(s) que esta presenta sobre o que é o lesbianismo e o que significa ser lesbiana en Galicia.