Pleistozenoaren amaierak eta Holozenorako trantsizioak Paleolitoaren amaiera ere suposatuko dute. Kantauri aldean une horretan kultura trantsizio bezala definitudezakeguna gertatzen ari da, Magdalen-alditik Azil-aldirakoa, jarraitutasuna argia bada ere, apurketa zantzuak nabariak dira. Lan honen asmoa hirukoitza izango da. Aldebatetik, azilianizazioa bere testuinguruan (historiografiko, kronologiko, klimatiko, etab.)kokatuko da, honek dauzkan problematikak aurkeztuz. Beste alde batetik, Iberiar Penintsularen iparraldeko aztarnategi desberdinetan Goi-Azken Magdalen-aldiko harrizko industrietan eman zen aziliartze prozesua (mikrolitizazioan sakontzea, garrodun elementuen ugaritzea, marruska mota berezien agerpena, etab.) identifikatzen saiatuko gara. Azkenik, aurreko biei paralelo, tradizio industrialen eraldaketak horretarako eman diren azalpen desberdinekin (biziraute estrategien eraldaketa, aurretik datozen joeren sakontzea, etab.) harremanetan jartzen saiatuko gara.
展开▼
