Примена на финансиските показатели за анализа на работењето на компаниите - со посебен осврт на показателите за ликвидност на македонското стопанство

摘要

Финансиските извештаи се еден од основните извори на податоци за оцена на финансиската состојба и работењето на компанијата во одреден временски период. Анализата на финансиските извештаи претставува употреба на сметководствените податоци во процесот на донесување деловни и инвестициони одлуки. Процесот на анализа на финансиските извештаи е дизајниран за да им помогне на деловните луѓе, инвеститорите и кредиторите да научат како да ги читаат, интерпретираат и анализираат подготвените финансиски извештаи. Основно средство за анализата на финансиските извештаи претставува финансиската рацио анализа. Целта на овој магистерски труд е да се објасни примената на финансиските показатели при анализата на работењето на компаниите,а особено да се даде придонес во разбирањето на примената на финансиските показатели за ликвидноста.Од тој аспект илустрирана е пресметката, а воедно направена е и детална анализа на показателите за состојбата со ликвидноста на одреден репрезентативен примерок на компании од македонската економија. Анализата на работењето на компаниите е направена со користење податоци од изворни документи и од практиката, врз основа на избран репрезентативен примерок на компании, како и користење на соодветна литература. Основни извори на информации преку кои се илустрира примената на финансиските показатели, претставуваат објавените финансиски извештаи на избраните компании од македонското стопанство. Заради репрезентативност на примерокот, се анализираат компании од различни стопански дејности и со различна големина.udКлучни зборови: финансиска анализа, финансиски извештаи, профитабилност, стабилност, ликвидност.