Улогата и значењето на Државното правобранителство во правосудниот систем на Република Македонијаud-The role and significance of the State Attorney's Office in the justice system of the Republic of Macedonia

摘要

Државата постојано се појавува како странка во судски постапки во кои нејзините законски застапници – државните правобранители преку правни средства треба да го штитат нејзиниот имот и имотните интереси. Како предуслов за квалитетна заштита на имотот и имотните интереси на државата се јавува добро поставената организација, како и материјалната и правната положба на правобранителската функција. Оваа потреба посебно доаѓа до израз во државите кои минуваат низ транзициски промени, како што е Р. Македонија, каде одредени лица, со цел да стекнат индивидуални сопственички права на имот кој некогаш бил општествен, па потоа државен, ги користат слабостите на целокупниот правен систем, пропустите во законските регулативи, поделбата на надлежности и сл. Една од основните идеи на истражувањето во рамки на овој проект е да се дојде до сознанија и заклучоци дали и во која мера државното правобранителство е соодветен механизам за спречување на ваквите интенции и на кое ниво се наоѓаат можностите на државното правобранителство во однос на својата функција и законска поставеност да пружи соодветна заштита на имотните интереси на државата. Одговорот на овие прашања сам по себе треба да даде одговор и на прашањата дали постои потреба од реорганизација, јакнење на улогата и зголемување на квалитетот на работата на Државното правобранителство на Р. Македонија.udОвој проект и целта на неговото истражување добива посебно значење затоа што се работи за материја која во нашата држава, според сознанијата на тимот на истражувачи на овој проект, не е истражувана на научно ниво и претставува еден релативно маргинализиран и запоставен запоставен сегмент во целокупниот правосуден систем.