Краток извадокudБезбедноста во рудниците е многу важна за рударската индустрија. Несреќите во рудникот може да доведат до фатални повреди, болест, заболувања, големи економски загуби и смрт. Експлозиите во рудниците се честа појава, затоа спасувачките операции веднаш се потребни, но истите се и ризични. Резултатите од експлозијата придонесуваат за зголемување на нивото на штетни гасови што резултира со намалено ниво на O2 и висока температура.udЗатоа, секои нови технолошки достигнувања при набљудување и следење на концентрацијата на гасови во рудниците се од големо значење за безбедноста на човечките животи. Целта на овој магистерски труд е да се идентификуваат и да се измерат отровните гасови кои се многу распространети во подземните рудници и не можат да се откријат со човечки сетила.udВо магистерскиот труд е опишан дизајнираниот систем кој служи како далечински систем за следење на нивото на гасови во реално време кај различни области во подземните рудници, со цел да се обезбеди знаење за заштита на рударите од вдишување на прекумерен токсичен гас.udЕфикасноста на системoт ќе овозможи претпазливост и безбедност во рудникот, ќе ја покажува концентрацијата на штетни гасови на ризичните места и токсичните региони пред работниците да започнат со работа во подземни рудници или додека се внатре. Ова ќе спречи прекумерно вдишување на отровни гасови што може да резултира со болести, како што се: леукемија, забрзан пулс на телото и белодробни заболувања во текот на времето. За да се спречи загуба на човечки живот и материјални загуби по експлозијата, се праќа робот во тунелот и тој ја детектира содржината гас, температура и ги пренесува сигналите до контролната соба. Но исто така, концентрациите освен со мобилниот робот се мерат континуирано со помош на сензори поставени во тунелите.udМОБИЛЕН СЕНЗОРСКИ СИСТЕМ ЗА ДЕТЕКЦИЈА НА ШТЕТНИ ГАСОВИ ВО ПОДЗЕМНИТЕ РУДНИЦИudСистемот користи бежична сензорска мрежа за пренос на податоци од работната средина на рудникот добиени преку сензорите за токсични гасови и сензорот за температура и влажност. Роботот ќе влезе и ќе се движи во рудникот притоа откривајќи штетни гасови и со тоа обезбедува заштита од пожар или експлозија. Со користење на роботот, како и поставените сензори внатре во рудникот, веројатноста за несреќа ќе се намали. Се обезбедува заштита од пожар, експлозија, отровни гасови како CO, CO2, CH4, H2, NH3 и алармирање при зголемено ниво на температурата и концентрацијата на гасовите во тунелот. Се користи микроконтролер со прикачени сензори за добивање на резултати, а потоа преземање на потребните одлуки. Овој магистерски труд го испитува присуството на повеќе видови на отровни гасови во критичните региони. Системот е погоден за користење во подземни рудници. Со помош на овој систем, може да се намали загубата при експлозија во рудникот и да се направи успешна спасувачка акција.udКлучни зборови: Мобилна апликација, Сензори, Arduino Uno, Штетни гасови, Рудник, Систем за безбедност, Бежична сензорска мрежа
展开▼
