Vitskap og kunnskap i profesjonsutdanningane: Essaysamling frå kurs i vitskapsteori og kunnskapsforståing ved Høgskolen Stord/Haugesund, H-2011/V-2012

摘要

Denne samlinga er sett saman av essays utarbeidde ved kurs i vitskapsteori og kunnskaps-forståing ved Høgskolen Stord/Haugesund hausten 2011 (innlevert våren 2012), i eit samarbeid med Universitetet i Stavanger og Høgskolen i Oslo og Akershus. Gerd Bjørke og Harald Jarning, frå dåverande Pedagogisk utviklingssenter ved Høgskolen i Oslo og Akershus, hadde det faglege ansvaret for kurset. Eitt av krava for fullføring av kurset var å levere inn eit essay med bakgrunn i kursinnhaldet og med relevans for eige arbeid.Kurset starta opp med 26 deltakarar, 22 gjennomførte og 21 har valt å la sitt essay gå inn i denne samlinga.Kurset i vitskapsteori og kunnskapsforståing inngjekk som ein del av ei eigenkvalifisering for å søkje om opprykk til førstelektor. Deltakarar var høgskolelektorar/universitetslektorar ved Høgskolen Stord/Haugesund og Universitetet i Stavanger. Kurset hadde ei spesiell innretting nettopp mot førstelektorkompetansen, ei innføring til vitskapsteoretisk kunnskapsforståing retta inn mot det praktiske interessefeltet, dvs. dei fagfelta deltakarane kom frå. Det er desse essaya vi finn i denne samlinga. Vi finn her eit breitt spekter av tema og av fagfelt, med eksempel på utviklingsprosessar og kunnskapsforståing innafor barneverns-, helse-, idretts-, lærar- og sosialfag. Mangfaldet er stort og avspeglar mangfaldet i utdanningsinteressene i velferdssamfunnet.