Rumohra adiantiformis(G. Forst.) Ching, die Seweweeks- of Knysnavaring se gewildheid as snyloofproduk neem vinnig toe. Onder natuurlike groeitoestande ontwikkel die Knysnavaring slegs beperkte hoeveelhede sori, terwyl groot hoeveel- hede sori ontwikkel wanneer die varing onder skadunet verbou word. Die vorming van oormatigesorilei tot bemarkings- probleme. 'n Proef is op die perseel van Bergland Tuine te Krugersdorp uitget#xEA; om die invloed van etefon, paklobutrasool (PP 333), gibberelliensuur (GA3) en sitokiniene elk by drie peile sowel as verskillende skaduvlakke op sori-voorkoms van volwasse blare te bepaal. GA3op blaarstadium 3 verhoog soms, maar sitokiniene het geen invloed op sori-voorkoms gehad nie. Etefon teen 144 en 480mg dm#x2212;3het sori-voorkoms betekenisvol verlaag indien dit op blare in die knop- stadium toegedien is. PP 333 toegedien teen al drie peile op blare in die knopstadium het die aantal sori verminder. Die hoofeffek vir skaduwee was nie betekenisvol nie, maar daar was wel 'n neiging binne kontrolebehandeling dat die minste sori voorgekom het by plante wat by die hoogste skaduvlak gekweek is.
展开▼
